Assistent Plaasbestuurder: Gemengde Boerdery

Assistent Plaasbestuurder: Gemengde Boerdery picture

Ons gewaardeerde kliënt, 'n dinamiese Gemengde Boerdery in die Bultfontein distrik in die Vrystaat, is opsoek na 'n energieke, ervare en raakvat Assistent Plaasbestuurder om die Plaasbestuurder by te staan om die Boerdery koste-effektief, volhoubaar, winsgewend en produktief te bestuur.

Die ideale kandidaat is getroud (verkieslik), het 'n Landboukwalifikasie (vereiste) met 3 - 10 jaar ondervinding in die Totale Produksiesiklus van Somer- en Wintergewasse op droëland, 'n Kode 14 bestuurslisensie (vereiste), is sterk meganies aangelê en het baie goeie ondervinding in Presisieplanttegnologie met werkende kennis van Beeskuddebestuur.

Bogenoemde vaardighede gekoppel met jou eienaarskapmentaliteit, netheid op self en werk, stiptelikheid, vermoë om effektief onafhanklik en binne spanverband te funksioneer, sien ons uit na jou aansoek.

Pligte:

  • Bestuur die dag-tot-dag operasionele bedrywighede in samewerking met die Plaasbestuurder
  • Bestuur die Totale Produksiesiklus van Gewasse
    • Mielies, Soja, Koring en Grondbone
  • Beeskuddebestuur
  • Effektiewe arbeidsbenutting en leiding deur voorbeeld
  • Algemene herstel en voorkomende Instandhouding op Plaaswerktuie, -implemente en -toerusting
  • Infrastruktuur Instandhouding
  • Rekordhouding en administrasie
  • Brandbestuur en -voorkoming
  • Plaassekuriteit en -netheid
  • Ander pligte soos verlang van tyd tot tyd

Diensaanvaarding: Voor einde Maart 2024

Aansoeke sluit: 20 Februarie 2024

Markverwante salaris eie aan die bedryf, onderhandelde prestasiebonus, gratis behuising en 'n voertuig vir werksdoeleindes word aangebied.

Aansoeke word slegs deur die skakel aanvaar.

Share on
Click here to contact us on WhatsApp