Kuddebestuurder: Bees en Skaap

Ons kliënt, 'n suksesvolle Gemengde Boerdery in die Morgenzon distrik in Mpumalanga, is opsoek na 'n getroude ervare Kuddebestuurder vir die effektiewe en volhoubare bestuur van die Boerdery se Bees- en Skaapkudde.

Die ideale kandidaat het 'n Landboukwalifikasie (aanbeveel), 5 - 10 jaar eerstehandse ondervinding in alle aspekte van die bestuur van 'n Bees- en Skaapkudde (Ekstensief en Intensief), 'n holistiese begrip van korrekte bestuursbesluitneming en akkurate uitvoering daarvan om sodoende suksesvolle eienaarskap te neem met die vermoë om suksesvol te delegeer, koördineer binne 'n gemotiveerde werksklimaat.

Bogenoemde vaardighede gekoppel met jou ondervinding in Voerkraalbestuur (beide Skaap en Bees), kennis van KI, dragtigheidsondersoeke, wolklas, rekenaarvaardigheid, aanpasbaarheid, bo-gemiddelde kommunikasievermoë, goeie menseverhouding, vermoë om in 'n span te funksioneer en 'n uitsonderlike eienaarskapmentaliteit, sien ons uit na jou aansoek.

Pligte:

• Optimale en winsgewende bestuur van die Vee-afdeling in oorleg met die eienaar
• Algehele Kuddebestuur (Bees en Skaap)
  • Kuddegesondheid
    • Voorkomende bestuur
    • Identifisering
    • Biosekuriteit
    • Behandeling
  • Weidingsbestuur
    • Beplanning
    • Drukbeweiding
    • Watervoorsiening
  • Voeding
    • Lekke
    • Kruipvoer
    • "Backgrounding"
  • Reproduksie
    • Bestuur van Bulle en Ramme
    • Seleksie van Bulle en Ramme
    • Dekgroepe en Vervangingsverse en -ooie
    • Dragtigheidsondersoeke
    • Akkurate geboorte-aantekeninge
  • Kalwers en Lammers
    • Brandmerk / Merk
    • Onthoring / Sterte afsit
    • Weeg
    • Selekteer
• Voerkraalbestuur
  • Effektiewe en winsgewende bestuur van die Voerkraal in samewerking met die eienaar
    • Bestuur van VOV en GDT
    • Rantsoenbestuur
    • Produksiebestuur
    • Dieregesondheid
    • Biosekuriteit
    • Mortaliteitsbestuur
• Dag tot dag beplanning en uitvoer van take
• Konstant verseker dat standaarde aan voldoen word
• Effektiewe arbeidsbenutting en lei deur voorbeeld
• Algehele instandhouding
• Administrasie en Rekordhouding
• Voorraadbestuur en -beheer
• Verslagdoening
• Brandbestuur en -voorkoming
• Plaassekuriteit
• Ander pligte soos wat van tyd tot tyd verlang word deur die Eienaar

Markverwante salaris eie aan die bedryf, 13de tjek, hervestigingskostes, gratis behuising en 'n voertuig vir werksdoeleindes word aangebied.

Diensaanvaarding: So gou as moontlik

Aansoek sluit: 30 Junie 2022

Aansoeke word slegs deur die skakel aanvaar