Die 4 Kernvaardighede vir 'n loopbaan in Landbou

By Vernon Hambrock · Oct 13, 2021
Die 4 Kernvaardighede vir 'n loopbaan in Landbou picture

Die Landboubedryf bestaan uit verskillende vertakkings en verlang elke vertakking spesifieke kernvaardighede. Oor die hele spektrum van die Landboubedryf is daar egter vier kernvaardighede wat jy benodig sou jy jou Landbouloopbaan suksesvol wil uitklim.

1. Veelsydigheid

Hierdie is 'n fundamentele kernvaardigheid en is baie belangrik om te ontwikkel ongeag van die landbourigting wat jy ook al van plan is om te volg. Uitgebreide hoeveelheid Akademiese studie is nodig vir verskeie landbourigtings, en is die teorie wat jy in die perfekte omgewing van ‘n lesingsaal ontvang en studeer selde dit wat jy gaan teëkom en ervaar wanneer jy in die regte wêreld instap en moet begin om jou teoretiese kennis in die praktyk toe te pas. In die praktiese wêreld moet jy op jou voete kan dink, 'n situasie vinnig ontleed en interpreteer wat jy geleer het, vinnig planne maak en uitvoer sodat jy die beste oplossing kan kry met die situasie wat jou in die gesig staar.

Die landbousektor is voortdurend besig om te verander, of dit nou veranderende verbruiker eise is, veranderende wetgewing, of onvoorspelbare weer, moet jy in staat wees om op jou voete te kan dink en vinnig aan pas by situasies. Die landboubedryf is nie statiese nie, en is geen twee dae dieselfde nie, en as jy 'n suksesvolle Landbouloopbaan wil volg, moet jy nie net kan aanpas in hierdie soort van omgewing nie, maar jy sal moet kan floreer op hierdie daaglikse uitdagings en eise. 

2. Kommunikasie

Die Engelse spreekwoord “Communication is the Breakfast of Champions” is baie treffend en is die vermoë om effektief te kommunikeer nog 'n kernvaardigheid wat noodsaaklik is in Landbou. Die landboubedryf is in wese soos 'n ketting, met verskeie rolspelers, of dit verskaffers of kliënte is, almal is 'n skakel in die ketting. Met effektiewe kommunikasievermoë sal jy in staat wees om met 'n verskeidenheid van mense effektief te kommunikeer soos mede Boere, werkers, veeartse, logistieke maatskappye, toerustingverskaffers, kliënte en meer, en sal van jou verwag word om professioneel met hierdie mense te kommunikeer. 

Effektiewe kommunikasie is belangrik in enige verhouding en is die ontwikkeling van verhoudings belangrik vir enige besigheid, en is dit belangrik dat jy duidelik en effektief moet kan kommunikeer, en net so is dit belangrik dat jy ook goed moet kan luister en die terugvoer verstaan wat jy kry van diegene met wie jy interaksie het. Effektiewe kommunikasie geld ook vir onderhandelings en konflikoplossings, en is dit duidelik waarom effektiewe kommunikasievaardighede so belangrik is.

3. Organisasievermoë en beplanning

Die interafhanklike aard van die verskillende dele van die landboubedryf, van verskaffer tot groothandelaar, tot kleinhandelaar en uiteindelik tot by die verbruiker, beteken dat tydsbestuur en organisatoriese vaardighede besonder waardevol is. ‘n Boerdery, sal oor die algemeen, diversifiseer en op meer as een vertakking fokus, en daarom is dit belangrik om te verhoed dat dit oorweldig word wanneer dit nodig is om 'n verskeidenheid verskillende soorte gewasse en vee te bestuur.

Boerdery is seisoenaal, en is dit belangrik om te beplan rondom die seisoene sodat jy kan voorberei om die meeste van die saai-, plant- of beskikbare oestyd te maak, byvoorbeeld vroegtydige aankope soos diesel, saad, kunsmis ens. As jy ‘n  Melkboer is en konsekwent laat is met die verskaffing van jou produk aan jou kliënte, gaan jou kliënte net eenvoudig 'n meer betroubare verskaffer kry en jy sal waardevolle inkomste verloor. 

4. Tegnologiese Geletterdheid

Boerdery is een van vele bedrywe waar tegnologie se vooruitgang 'n groter en groter rol speel met elke jaar wat verbygaan. Elke stadium van die proses vanaf die voorbereiding van die grond, die oes regdeur tot die finale verpakking en aflewering aan verbruikers, is prosesse al hoe meer afhanklik van tegnologie. In die ontwikkelende landboubedryf gaan jy relatief vinnig moet kan verstaan hoe om nuwe tegnologie behoorlik te gebruik soos dit beskikbaar word.

Die landboubedryf is veeleisende maar hoogs bevredigend, en is daar meer spesifieke vaardighede wat jy sal nodig kry, afhangende van waarin jy wil spesialiseer. Hierdie 4 kernvaardighede sal jou egter die grondslag gee in jou Landbouloopbaan.

Share on

Join our mailing list

Sign up and you will be the first to know the latest news, insider-only info, and more.

Click here to contact us on WhatsApp