Dieselwerktuigkundige en Algemene Onderhoudsbestuurder

Ons gewaardeerde kliënt, 'n dinamiese Boerdery in die Jan Kempdorp distrik in die Noordkaap, is opsoek na 'n ervare, energieke en kundige Dieselwerktuigkundige om verantwoordelikheid te neem vir die diensbaarheid van die Boerdery se plaasvoertuie, -implemente, -werktuie en ander -toerusting.

Die ideale kandidaat het 5 - 10 jaar meganiese- (Diesel) sowel as algemene-instandhouding agtergrond van plaasvoertuie, -werktuie en -implemente.

Bogenoemde vaardighede gekoppel met jou eienaarskapmentaliteit, jou bereidheid om ongereelde ure te werk, jou vermoë om onafhanklik te funksioneer en op jou voete te kan dink, sien ons uit na jou aansoek.

Pligte:

• Diens, instandhouding en herstel van trekkers (veral Ford en New Holland), bakkies, en ander plaastoerusting
• Alle gereedskap en toerusting beheer en bestuur
• Verseker dat alle plaastoerusting diensbaar is ten alle tye
• Bystanddiens oor naweke in plant- en oestyd
• Effektiewe bestuur van die afdeling
• Om alle dag tot dag take deeglik, netjies en noukeurig uit te voer
• Dag tot dag / maandelikse / jaarlikse beplanning
• Ander pligte soos van tyd tot tyd verlang bv.
  • Betrokke wees by Pekanneut en Lusern seisoen
  • Beheer van spilpunte

Diensaanvaarding: Desember 2025

Aansoeke sluit: 13 November 2025

Markverwante salaris eie aan die bedryf, 13de tjek, gratis behuising, en 'n voertuig vir werksdoeleindes word aangebied.

Aansoeke word slegs deur die skakel (link) aanvaar.