Algemene Onderhoudsbeampte

Ons gewaardeerde kliënt, 'n dinamiese Boerdery in die Heidelberg/Vereeniging distrik, is opsoek na 'n ervare en energieke Algemene Onderhoud- en Instandhoudingsbeampte om verantwoordelik te wees vir die Instandhouding van die Plaas se Infrastruktuur en Toerusting. Die suksesvolle kandidaat sal ook hulp verleen gedurende die plant- en oes-seisoen en sal vorige ervaring as Plaastoerusting Operateur in jou guns tel.

Die ideale kandidaat het 'n Kode 14 bestuurslisensie (vereiste) en 5 - 10 jaar sterk meganies (Diesel) en/of ketelmaker en/of "millwright" ondervinding tot die posisie, is netjies op self en werk, kan goed binne en buite spanverband funksioneer, is stiptelik, trots op werk met 'n positiewe uitkyk.

Bogenoemde vaardighede gekoppel met jou eienaarskapmentaliteit, jou bereidheid om ongereelde ure te werk en jou vermoë om onafhanklik te funksioneer, sien ons uit na jou aansoek.

Pligte:

• Plaasvoertuig instandhouding en diens
• Rekordhouding van aktiwiteite en gebruik van kritieke onderdele
• Vooraadbeheer en - bestuur
• Biosekuriteit nakoming
• Voorkomende- en algehele onderhoud
• Meganiese en elektriese onderhoud en herstelwerk
• Om alle dag tot dag take deeglik en noukeurig uit te voer
• Ander pligte soos van tyd tot tyd verlang van Bestuur

Diensaanvaarding: Die Pos is onmiddelik beskikbaar

Aansoeke sluit: 9 Oktober 2025

Markverwante salaris eie aan die bedryf, onderhandelde prestasiebonus, gratis behuising, en 'n voertuig vir werksdoeleindes word aangebied.

Aansoeke word slegs deur die skakel (link) aanvaar.