Algemene Onderhoud- en Instandhoudingsbeampte

Ons kliënt, 'n dinamiese Boerdery in die Welkom distrik in die Vrystaat, is opsoek na 'n ervare, energieke en kundige Algemene Onderhoud- en Instandhoudingsbeampte om verantwoordelikheid te neem vir die diensbaarheid van die Boerdery se Plaasvoertuie, -implemente en -werktuie.

Die ideale kandidaat is 'n gekwalifiseerde Dieselwerktuigkundige (aanbeveel) met meer as 5 jaar meganiese- (Diesel en Petrol) sowel as algemene-instandhouding agtergrond van plaasvoertuie, -werktuie en -implemente. Kennis in die herstel en instandhouding van Spilpunte sal in jou guns tel. 

Bogenoemde vaardighede gekoppel met jou eienaarskapmentaliteit, goeie rekordhouding- en beplanningsvermoë, jou bereidheid om ongereelde ure te werk, jou vermoë om onafhanklik te funksioneer en op jou voete te kan dink, sien ons uit na jou aansoek.

Pligte:

• Diens, instandhouding en herstel van trekkers, bakkies, en ander plaastoerusting
• Alle gereedskap en toerusting beheer en bestuur
• Verseker dat alle plaastoerusting diensbaar is ten alle tye
• Bystanddiens oor naweke in plant- en oestyd
• Effektiewe bestuur van die afdeling
• Om alle dag tot dag take deeglik, netjies en noukeurig uit te voer
• Dag tot dag / maandelikse / jaarlikse beplanning,
• Ander pligte soos van tyd tot tyd verlang deur Bestuur

Diensaanvaarding: So gou as moontlik

Aansoeke sluit: 11 Augustus 2024

Mededingende salaris eie aan die bedryf, gratis behuising, elektrisiteit, water en ‘n voertuig vir werksdoeleindes word aangebied.

Aansoeke word slegs deur die skakel aanvaar