Bestuursegpaar: Wildreservaat Onderhoudbestuurder en Kantoorbestuurderes

Ons gewaardeerde kliënt, 'n 8 000 ha Wildreservaat in die Groblersdal distrik in Limpopo, is opsoek na 'n ervare en energieke Bestuursegpaar om deel te word van hulle dinamiese Span.

Die ideale Bestuursegpaar het meer as 10 jaar bewese ondervinding in hulle veld wie goed kan saamwerk in spanverband met die vermoë om take entoesiasties te benader en te voltooi met 'n eienaarskapmentaliteit.

Reservaat Onderhoudsbeampte (Man)

Die ideale kandidaat het ‘n toepaslike tegniese Tersiêre Kwalifikasie (aanbeveel) met meer as 10 jaar ondervinding in alle aspekte van die effektiewe instandhouding, herstel en diens van ‘n Wildreservaat se infrastruktuur en toerusting.

Bogenoemde gekoppel met jou basiese wild- en boerderykennis, sterk meganiese aanleg (konstruksie- en/of gebou-instandhouding, elektrisiteit pypwerk, pleisterwerk en algemene boukennis), sober gewoontes, geldige wapenhantering sertifisering, ‘n geldige Kode 10 bestuurslisensie en ondervinding in die bewaring van Fauna en Flora, sien ons uit na jou aansoek.

Pligte:

• Organisering en beplanning van werkslading saam met twee sekondêre bestuurders en die lodgebestuurder; daarna terugvoer aan die Maatskappy se Hoof Uitvoerende Beampte.
• Die Maatskappy het ’n uitgebreide netwerk van beheerstelsels wat in elke afdeling ingebou is. Die bestuurder is verantwoordelik om sy stelsels te bestuur.
• Daaglikse werkskedule vir die werksmag
• Instandhouding van twee lodges en 7 plaashuise/opstalle (geboue en tuine).
• Padinstandhouding van ongeveer 100 km
• Heiningsinstandhouding
• Daaglikse bestuur van wildteel afdeling
• Aankope/verkryging van goedere vir die Maatskappy
• Voorraadbestuur en -beheer
• Instandhouding en nagaan van die voertuigvloot
• Brandbestuur en -voorkoming
• Plaassekuriteit en -netheid
• Rekordhouding en Verslagdoening
• Ander pligte soos verlang van eienaar van tyd tot tyd

Kantoorbestuurderes (Vrou)

Die ideale kandidaat het ‘n na-skoolse kwalifikasie (aanbeveel) en meer as 10 jaar ondervinding in alle aspekte van algemene Kantoorbestuur met gesonde kliënteverhoudings

Bogenoemde gekoppel met jou sterk rekenaarvaardigheid (veral Microsoft Office), fyn oog vir detail, ‘n geldige Kode 8 bestuurslisensie, basiese boekhou- en rekeningkunde-vaardighede, jou hoë-energie met ’n sterk sin vir verantwoordelikheid en uitstekende organiseringsvaardighede. en 'n fyn ingesteldheid vir kwaliteit met sterk leierseienskappe en persoonlikheid, sien ons uit na jou aansoek.

Pligte:

• Rapportering an verslagdoening aan die Maatskappy se Hoof Uitvoerende Beampte en Finansiële Direkteur
• Algemene dag tot dag kantooradministrasie (eposse, fakture, liasering)
• Telefoniese en elektroniese korrespodensie
• Elektroniese boekhouding en fisiese liasering van fakture
• Allokeering van uitgawes en aankope volgens onderafdelings
• Voorraadopnames en voorraadbestuur
• Personeeladministrasie (registers, afwesigheid en verlof)
• Bestuur en administrasie van diesel (registers en rebatte)
• Algemene rekonsiliasies
• Bestuur van netheid en instandhouding van kantoor en perseel.

Egpare met skoolgaande kinders het toegang tot uitstekende Skole in Groblersdal.

Diensaanvaarding: So gou as moontlik

Aansoeke sluit: 19 November 2025

Mededingende salaris eie aan die bedryf, gratis behuising (6 slaapkamer huis), water, elektrisiteit en ‘n voertuig vir werksdoeleindes word aangebied.

Doen asb aansoek as 'n Egpaar deur die skakel (link)