Bestuursegpaar: Wildplaas en Lodge

Ons gewaardeerde kliënt, 'n Wildplaas en Lodge in die Groot Karoo in die Prins Albert distrik in die Weskaap, is opsoek na 'n ervare en energieke Bestuursegpaar om die Wildplaas en Lodge optimaal, winsgewend, volhoubaar en effektief te bestuur.

Die ideale Bestuursegpaar het uitgebreide kennis van Wildsplaas- en Hospitaliteitsbestuur, en kan goed saamwerk in spanverband met die vermoë om die besigheid te bestuur met 'n eienaarskapmentaliteit.

Wildplaasbestuurder (Man)

Die ideale kandidaat het ‘n Landbou- of Natuurbewaringskwalifikasie (aanbeveel) en meer as 5 jaar ondervinding in alle aspekte van die bestuur van ‘n Wildplaas met gesonde kliënteverhoudings.

Bogenoemde gekoppel met jou sterk meganiese aanleg, sober gewoontes, ‘n geldige bestuurslisensie en ondervinding in die bewaring van Fauna en Flora, sien ons uit na jou aansoek.

Pligte:

• Intensiewe Wildteling
  • voer, monitering en kalwerbestuur
  • rekordhouding op Bengufarm
  • verkope, permitte en vervoer
• Effektiewe bestuur van die Wildplaas
• Algemene instandhouding
• Effektiewe arbeidsbenutting
• Brandbestuur en -voorkoming
• Plaassekuriteit en -netheid
• Infrastruktuur instandhouding
• Bestuur van indringerplante en instandhouding van paaie en heinings
• Voer- en Voedingsbestuur
• Ontvang van Gaste
• Uitneem van Gaste op wildbesigtiging uitstappies en ritte
• Optree as Gasheer en Ambassadeur van die Plaas
• Rekordhouding en Verslagdoening
• Ander pligte soos verlang van eienaar van tyd tot tyd

Lodgebestuurderes (Vrou)

Die ideale kandidaat het ‘n na-skoolse kwalifikasie (aanbeveel) en meer as 5 jaar ondervinding in alle aspekte van die bestuur van ‘n Lodge/Gastehuis/Hotel met gesonde kliënteverhoudings

Bogenoemde gekoppel met jou sterk rekenaarvaardigheid, fyn oog vir detail, ‘n geldige bestuurslisensie en 'n fyn ingesteldheid vir kwaliteit met sterk leierseienskappe en persoonlikheid, sien ons uit na jou aansoek.

Pligte:

• Ontvang van Gaste
• Administrasie- en ontvangspligte
• Bemarking en sosiale media
• Toesig oor huishouding en verslagdoening van alle onderhoudsvereistes
• Voorraadbeheer en voorraadbestelllings
• Kamerkontroles
• Personeelopleiding
• Koördinering van dag-tot-dag aktiwiteite en pligte
• Kommunikasie van gaste se behoeftes en spesiale versoeke
• Die handhawing van 'n hoë diensetiek en standaard
• Help met die implementering en instandhouding van stelsels en prosedures
• Bestuur van inventarisse
• Optree as Gasheer en Ambassadeur van die Plaas

Hierdie is 'n ideale geleentheid vir 'n professionele Egpaar wie gedrewe is en oor die vermoë beskik om effektief onder druk te funksioneer en leiding te gee binne ‘n gemotiveerde werksklimaat waar werk stiptelik en akkuraat gedoen word met trots, passie en ‘n eienaarskapmentaliteit.

Weens die afgeleë ligging van die Plaas en lang werksure van tyd-tot-tyd, gaan dit vir Egpare met kinders 'n uitdaging wees.

Diensaanvaarding: So gou as moontlik

Aansoeke sluit: 25 Julie 2025

Mededingende salaris eie aan die bedryf, gratis behuising en ‘n voertuig vir werksdoeleindes word aangebied.

Doen asb aansoek as Egpaar deur die skakel(link)