Dieselwerktuigkundige
Ons gewaardeerde kliënt, ’n gevestigde boerdery in die Bethlehem-distrik, bied ’n uitstekende loopbaangeleentheid aan ’n ervare en betroubare Dieselwerktuigkundige wat trots is op kwaliteit werk en wat ’n sleutelrol wil speel in die instandhouding en diensbaarheid van die boerdery se voertuie, implemente en toerusting.
Hierdie is nie bloot ’n tegniese pos nie, maar ’n kritiese funksie binne die totale boerderybedryf. Die regte kandidaat sal ’n direkte bydrae lewer tot operasionele doeltreffendheid, die beperking van stilstand en die suksesvolle uitvoering van daaglikse en seisoenale boerdery-aktiwiteite.
Hierdie pos bied aan ’n bekwame Dieselwerktuigkundige die geleentheid om deel te word van ’n stabiele en goed gestruktureerde landbou-omgewing waar tegniese kundigheid, betroubaarheid en verantwoordelikheid hoog geag word. Die rol is ideaal vir iemand wat daarvan hou om selfstandig te funksioneer, praktiese probleme doeltreffend op te los en eienaarskap te neem van die werkswinkel en toerusting onder sy beheer. Vir ’n kandidaat wat langtermyn wil vestig en graag in ’n omgewing werk waar sy bydrae tasbaar en waardevol is, bied hierdie pos uitstekende potensiaal.
Die ideale kandidaat beskik oor die volgende:
- ’n Relevante kwalifikasie as Dieselwerktuigkundige sal sterk voordelig wees
- Magtig in Sotho
- 5 tot 10 jaar toepaslike ondervinding as dieselwerktuigkundige
- Vorige ervaring in ’n landbou-omgewing sal ’n sterk aanbeveling wees
- Goeie praktiese kennis van trekkers, bakkies, vragmotors, implemente en algemene plaastoerusting
- Sterk foutopsporings- en probleemoplossingsvermoë
- Ondervinding in voorkomende instandhouding, herstelwerk en diensbeplanning
- Vermoë om onafhanklik te werk en verantwoordelikheid te neem
- Goeie beheer van gereedskap, onderdele en werkswinkeltoerusting
- Basiese administrasie en rekordhouding van dienste en herstelwerk sal voordelig wees
Kernverantwoordelikhede:
- Diens, instandhouding en herstel van trekkers, voertuie, implemente en ander plaastoerusting
- Akkurate foutopsporing en die doeltreffende oplossing van meganiese, hidrouliese en basiese elektriese probleme
- Implementering en bestuur van voorkomende instandhoudingsprogramme
- Beplanning van diensintervalle en herstelwerk om stilstand te beperk
- Verseker dat alle toerusting veilig, betroubaar en operasioneel bly
- Basiese beheer van onderdele, verbruiksmateriaal en werkswinkelvoorraad
- Handhawing van ’n netjiese, veilige en funksionele werkswinkel
- Samewerking met bestuur om te verseker dat toerusting tydig beskikbaar is tydens kritieke boerdery-aktiwiteite
- Ondersteuning tydens piektye en noodherstelwerk soos benodig
Persoonlike eienskappe:
- Prakties en oplossingsgedrewe
- Betroubaar, eerlik en verantwoordelik
- Netjies en trots op die standaard van sy werk
- Selfstandig met ’n sterk eienaarskapmentaliteit
- Vermoë om kalm en akkuraat onder druk te funksioneer
- Positiewe ingesteldheid en bereidheid om die ekstra myl te loop wanneer nodig
Diensaanvaarding: Onmiddelik
Sluitingsdatum: 7 Mei 2026
Markverwante salaris eie aan die bedryf word aangebied.
Indien jy ’n toegewyde Dieselwerktuigkundige is wat gereed is vir ’n nuwe uitdaging by 'n dinamiese Boerdery, sien ons uit na jou aansoek deur diè skakel 👉 [aansoek]
