Egpaar: John Deere Dieselwerktuigkundige en Debiteure- en Krediteureklerk
Ons gewaardeerde kliënt, ’n gevestigde boerdery in die Swartwater-distrik, is op soek na ’n geskikte paartjie vir ’n besondere geleentheid binne die landboubedryf. Hierdie pos bied ’n uitstekende geleentheid vir ’n ervare en John Deere gekwalifiseerde Dieselwerktuigkundige, saam met ’n bekwame Debiteure- en Krediteureklerk, om as span waarde tot ’n goed gestruktureerde boerdery-onderneming toe te voeg.
Hierdie geleentheid is ideaal vir ’n paartjie wat graag saam binne ’n professionele boerdery-omgewing wil werk, waar tegniese ondersteuning en administratiewe beheer hand aan hand loop
John Deere Gekwalifiseerde Dieselwerktuigkundige
Die suksesvolle kandidaat sal verantwoordelik wees vir die instandhouding, diens, herstelwerk en algemene tegniese ondersteuning van die boerdery se toerusting en voertuie, met spesifieke fokus op John Deere trekkers en implemente. Hierdie rol vereis ’n praktiese, tegnies vaardige persoon wat onafhanklik kan werk, probleme vinnig kan identifiseer en doeltreffende oplossings kan implementeer om stilstand tot die minimum te beperk.
Hoofverantwoordelikhede:
- Diens en instandhouding van John Deere trekkers, implemente en ander landboutoerusting
- Foutopsporing en herstel van meganiese, hidrouliese en basiese elektriese probleme
- Uitvoering van voorkomende instandhouding volgens skedules
- Toesig oor die toestand, werkverrigting en betroubaarheid van toerusting
- Beplanning en uitvoering van herstelwerk tydens kritieke seisoene
- Bestuur van werkswinkelnetheid, gereedskap en tegniese voorraad
- Rekordhouding van dienste, herstelwerk en onderdele
- Ondersteuning met algemene infrastruktuur- en tegniese onderhoud op die plaas
- Verseker dat toerusting veilig, netjies en operasioneel gereed bly
Minimum vereistes:
- Bewese ondervinding as Dieselwerktuigkundige in ’n landbou-omgewing
- John Deere kwalifikasie of sterk, bewese John Deere tegniese ervaring
- Goeie kennis van landboutoerusting, trekkers en implemente
- Vermoë om onafhanklik te werk en verantwoordelikheid te neem
- Sterk praktiese en tegniese probleemoplossingsvermoë
- Goeie organisatoriese vermoë en aandag aan detail
- Kennis van werkswinkelbeheer en onderdelebestuur sal voordelig wees
Debiteure- en Krediteureklerk
Die suksesvolle kandidaat sal verantwoordelik wees vir die administratiewe en finansiële ondersteuning van die onderneming, met spesifieke fokus op debiteure, krediteure, rekordhouding en algemene kantooradministrasie.
Hoofverantwoordelikhede:
- Hantering van debiteure- en krediteurefunksies
- Vaslegging en verwerking van finansiële dokumentasie
- Opvolg van uitstaande rekeninge en betalings
- Rekonsiliasies en administratiewe kontrole
- Liasering en instandhouding van akkurate rekords
- Ondersteuning met algemene kantooradministrasie
- Samewerking met bestuur om finansiële dissipline te ondersteun
Minimum vereistes:
- Bewese ondervinding as Debiteure- en Krediteureklerk
- Goeie administratiewe en numeriese vermoë
- Akkuraatheid en sterk aandag aan detail
- Rekenaargeletterdheid
- Werkende kennis van Xero
- Vermoë om vertroulik en professioneel met inligting te werk
- Ondervinding in ’n landbou-omgewing sal voordelig wees
Die ideale paartjie:
Ons soek ’n stabiele, verantwoordelike en hardwerkende paartjie wat mekaar se rolle goed aanvul. Die Dieselwerktuigkundige moet sterk tegniese ondersteuning en praktiese probleemoplossing kan bied, terwyl die Debiteure- en Krediteureklerk administratiewe en finansiële orde met noukeurigheid kan handhaaf. Albei moet professioneel, betroubaar en goed aangepas wees vir die eise van ’n boerdery-omgewing.
Vergoeding sal onderhandel word volgens ervaring, kundigheid en die waarde wat die suksesvolle paartjie tot die onderneming kan toevoeg.
Indien julle as paartjie oor die nodige ervaring, stabiliteit en werksetiek beskik, sien ons uit na julle aansoek deur diè skakel👉 [aansoek]
Sluitingsdatum: 26 April 2026
Diensaanvaarding: So gou as moontlik
