Egpaar: Produksiebestuurder en Krediteure en Debiteure Klerk
Ons gewaardeerde kliënt, ’n gevestigde boerdery in die Swartwater-distrik, is op soek na ’n geskikte paartjie vir ’n besondere geleentheid binne die landboubedryf. Hierdie pos bied ’n uitstekende geleentheid vir ’n ervare Produksiebestuurder met sterk ondervinding in graan- en groentegewasse, met besproeiingsbestuur en ’n bekwame Debiteure- en Krediteureklerk, om as span waarde tot ’n goed gestruktureerde boerdery-onderneming toe te voeg.
Hierdie geleentheid is ideaal vir ’n paartjie wat graag saam binne ’n professionele boerdery-omgewing wil werk, waar operasionele bestuur en administratiewe ondersteuning hand aan hand loop.
Produksiebestuurder – Graan- en Groentegewasse
Die suksesvolle kandidaat sal verantwoordelik wees vir die beplanning, uitvoering en bestuur van die produksiekomponent, met spesifieke fokus op graan- en groentegewasse, besproeiing, produksiedoeltreffendheid, kwaliteit en algemene plaasbestuur.
Hoofverantwoordelikhede:
- Bestuur van die daaglikse produksiebedrywighede
- Beplanning en implementering van produksieprogramme
- Bestuur van besproeiingstelsels en watergebruik
- Toesig oor grondvoorbereiding, plant, bemesting, spuitprogramme en oesaktiwiteite
- Monitering van gewasontwikkeling en opbrengspotensiaal
- Bestuur van personeel en werkvloei in die produksie-eenheid
- Instandhouding en toesig oor implemente, toerusting en infrastruktuur
- Akkurate rekordhouding en verslagdoening
- Verseker van netjiese, doeltreffende en kostebewuste produksiepraktyke
Minimum vereistes:
- Bewese ondervinding in graan- en groenteproduksie
- Sterk praktiese kennis van besproeiing
- Vermoë om ’n span te bestuur en verantwoordelikheid te neem
- Goeie organisatoriese en beplanningsvermoë
- Praktiese ingesteldheid
- ’n Tersiêre landboukwalifikasie sal voordelig wees
Debiteure- en Krediteureklerk
Die suksesvolle kandidaat sal verantwoordelik wees vir die administratiewe en finansiële ondersteuning van die onderneming, met spesifieke fokus op debiteure, krediteure, rekordhouding en algemene kantooradministrasie.
Hoofverantwoordelikhede:
- Hantering van debiteure- en krediteurefunksies
- Vaslegging en verwerking van finansiële dokumentasie
- Opvolg van uitstaande rekeninge en betalings
- Rekonsiliasies en administratiewe kontrole
- Liasering en instandhouding van akkurate rekords
- Ondersteuning met algemene kantooradministrasie
- Samewerking met bestuur om finansiële dissipline te ondersteun
Minimum vereistes:
- Bewese ondervinding as Debiteure- en Krediteureklerk
- Goeie administratiewe en numeriese vermoë
- Akkuraatheid en sterk aandag aan detail
- Rekenaargeletterdheid
- Vermoë om vertroulik en professioneel met inligting te werk
- Ondervinding in ’n landbou-omgewing sal voordelig wees
Die ideale paartjie:
Ons soek ’n stabiele, verantwoordelike en hardwerkende paartjie wat mekaar se rolle goed aanvul. Die Produksiebestuurder moet sterk operasionele leiding kan neem, terwyl die Debiteure- en Krediteureklerk administratiewe en finansiële orde met noukeurigheid kan handhaaf. Albei moet professioneel, betroubaar en goed aangepas wees vir die eise van ’n boerdery-omgewing.
Vergoeding sal onderhandel word volgens ervaring, kundigheid en die waarde wat die suksesvolle paartjie tot die onderneming kan toevoeg.
Indien julle as paartjie oor die nodige ervaring, stabiliteit en werksetiek beskik, sien ons uit na julle aansoek deur diè skakel👉 [aansoek]
Sluitingsdatum: 26 April 2026
Diensaanvaarding: So gou as moontlik
