Hoërskoolonderwyser: Landbou

Ons gewaardeerde kliënt, ’n groep Boere met belange in 'n privaat skool in die Vivo-distrik in Limpopo, is opsoek na ’n toegewyde, professionele en passievolle Hoërskoolonderwyser met ’n spesialisering in Landbouvakke/-studies.

Hierdie pos is ideaal vir ’n kandidaat wat ’n sterk belangstelling in landbou het, maar ook werklik ’n passie het om met hoërskoolleerders te werk, kennis oor te dra en ’n positiewe verskil in jongmense se lewens te maak.

Die suksesvolle kandidaat sal verantwoordelik wees vir die onderrig van landbougerigte vakke op hoërskoolvlak, met die doel om leerders prakties, akademies en persoonlik te ontwikkel. Ons soek ’n persoon wat nie net vakinhoud kan aanbied nie, maar ook leerders kan inspireer, motiveer en voorberei vir verdere studie, praktiese landbouloopbane en verantwoordelike deelname aan die landboubedryf.

Minimum Vereistes

• Minimum 2 tot 5 jaar toepaslike ondervinding in onderrig met fokus op landbouvakke
• Ondervinding in die aanbieding van landbougerigte vakke op skoolvlak of tersiêre vlak
• Toepaslike kwalifikasie in een van die volgende rigtings:
  • B.Ed. / Onderwyskwalifikasie; of
  • Graad in Landbou/Landbouwetenskappe
• Goeie kennis van landbou as vakgebied
• Vermoë om hoërskoolleerders effektief te onderrig, begelei en motiveer
• Goeie administratiewe, kommunikasie- en organiseringsvaardighede
• Professionele optrede en ’n sterk verantwoordelikheidsin

Sleutelverantwoordelikhede

• Aanbieding van landbougerigte vakke aan hoërskoolleerders
• Beplanning, voorbereiding en aanbieding van lesse volgens die toepaslike kurrikulum
• Ontwikkeling van leerders se begrip van landbou, produksiepraktyke en landboukundige beginsels
• Opstel, nasien en administrasie van take, toetse, eksamens en praktiese assesserings
• Monitering van leerdervordering en tydige terugvoer aan leerders, ouers en bestuur
• Bevordering van dissipline, verantwoordelikheid en positiewe leergewoontes in die klaskamer
• Praktiese ondersteuning en betrokkenheid by landbouverwante skoolaktiwiteite waar nodig
• Samewerking met die bestuurspan en ander onderwysers om hoë akademiese standaarde te handhaaf
• Motivering en begeleiding van leerders met belangstelling in landbou as toekomstige loopbaanrigting

Persoonlike Eienskappe

• Passievol oor onderwys en landbou
• Goeie menseverhoudinge en natuurlike vermoë om met jongmense te werk
• Geduldig, georganiseerd en professioneel
• Positiewe ingesteldheid en sterk roepingsbewustheid
• Vermoë om leerders te inspireer en selfvertroue te bou
• Betroubaar, verantwoordelik en toegewyd
• Bereid om ’n betekenisvolle bydrae tot leerders se akademiese en persoonlike ontwikkeling te maak

Hierdie is ’n uitstekende geleentheid vir ’n gekwalifiseerde en passievolle individu wat landboukennis met onderwys wil kombineer en graag ’n positiewe impak binne ’n privaat skoolomgewing wil maak.

Diensaanvaarding: So gou as moontlik
Sluitingsdatum: 15 Julie 2026

Indien jy ’n toegewyde, ervare en praktiese individu is wat gereed is vir ’n nuwe uitdaging, sien ons uit na jou aansoek deur die skakel: 👉 [aansoek]