Junior Beeskuddebestuurder

Ons gewaardeerde kliënt, ’n gevestigde boerdery in die Ventersdorp-distrik, is op soek na ’n jong, verantwoordelike en prakties ingestelde Junior Beeskuddebestuurder om ’n ondersteunende rol te vervul binne die daaglikse bestuur van die beesafdeling.

Hierdie geleentheid is besonder geskik vir ’n kandidaat met 3 tot 5 jaar toepaslike ondervinding in beeskuddebestuur, wat reeds oor ’n deeglike praktiese grondslag beskik en verder professioneel wil ontwikkel binne ’n gestruktureerde en doelgerigte boerdery-omgewing. Die ideale kandidaat het ’n opregte belangstelling in vee, neem verantwoordelikheid vir sy werk, funksioneer met dissipline en beskik boonop oor goeie meganiese aanleg, wat tot voordeel van die breër boerdery-aktiwiteite sal wees.

Die ideale kandidaat beskik oor:

• 3 tot 5 jaar relevante ondervinding in die praktiese bestuur van bees
• Goeie kennis van algemene kuddebestuur en daaglikse veeversorging
• Ondervinding in voerbestuur, kampbestuur en die monitering van waterpunte
• Die vermoë om diergesondheid en algemene kondisie noukeurig waar te neem
• Goeie basiese meganiese insig en ’n praktiese benadering tot herstelwerk en instandhouding
• Die bereidheid om self operasioneel betrokke te wees en hande vuil te maak
• Goeie kommunikasievaardighede en die vermoë om opdragte noukeurig uit te voer
• ’n Betroubare, verantwoordelike en selfgedrewe werksetiek
• ’n Geldige bestuurslisensie, wat voordelig sal wees

Sleutelverantwoordelikhede sluit onder meer die volgende in:

• Ondersteuning met die daaglikse bestuur en versorging van die beeskudde
• Monitering van diergesondheid, kondisie en algemene welstand
• Hulp met voerbeplanning, kampbestuur en die instandhouding van waterinfrastruktuur
• Betrokkenheid by hantering, behandeling en ander algemene vee-aktiwiteite
• Ondersteuning van senior bestuur met die uitvoering van operasionele take
• Algemene instandhoudingswerk en basiese herstelwerk op die plaas waar nodig
• ’n Praktiese bydrae tot die netheid, funksionaliteit en doeltreffendheid van die werksomgewing

Hierdie pos bied ’n jonger kandidaat met bestaande beesondervinding die geleentheid om verdere blootstelling en verantwoordelikheid te verkry binne ’n gevestigde boerdery. Dit is ’n geskikte rol vir iemand wat nie net ’n passie vir vee het nie, maar ook waarde toevoeg deur ’n praktiese ingesteldheid, meganiese vaardigheid en ’n sterk bereidwilligheid om te leer, by te dra en op die langtermyn saam met die boerdery te groei.

’n Mededingende salaris, gratis behuising, elektrisiteit, water en 'n voertuig vir werksdoeleindes word aangebied.

Diensaanvaarding: So gou as moontlik

Sluitingsdatum: 16 Mei 2026

Indien jy ’n toegewyde persoon is wat gereed is vir ’n nuwe uitdaging by 'n diverse Boerdery, sien ons uit na jou aansoek deur diè skakel 👉 [aansoek]