Kalfversorgingsbestuurderes: Melkboerdery

Ons gewaardeerde kliënt, ’n gevestigde en vooruitstrewende melkboerdery in die Middelburg-distrik in Mpumalanga, is op soek na ’n jong, toegewyde dame met ’n passie vir diere en melkbeesproduksie om die kalfversorgingseenheid van die boerdery te bestuur.

Die suksesvolle kandidaat sal volle verantwoordelikheid neem vir die kalf-afdeling, waar die fokus sal wees op optimale versorging, gesondheid, groei en ontwikkeling van jong kalwers binne die melkproduksiestelsel.

Hierdie pos bied ’n uitstekende geleentheid vir ’n jong persoon wat hulself in die melkbedryf wil vestig en praktiese ervaring wil opbou in jongvee- en kuddebestuur. Die rol bied waardevolle blootstelling aan moderne melkproduksiestelsels, waar die suksesvolle kandidaat ’n sleutelrol sal speel in die ontwikkeling van gesonde vervangingsverse wat die toekoms van die kudde vorm.

Minimum Vereistes

• 1 – 2 jaar praktiese ondervinding in kalfversorging binne ’n melkboerdery
• Basiese kennis van kalfvoeding, gesondheid en algemene versorging
• Vermoë om verantwoordelikheid te neem vir ’n afdeling en daaglikse take te bestuur
• Goeie organisatoriese vermoë en aandag aan detail
• Passie vir diere en ’n sterk werksetiek

Sleutelvaardighede en Kundigheid

• Praktiese kennis van kalfvoedingsprogramme
• Vermoë om siekte- of gesondheidsprobleme vroegtydig te identifiseer
• Basiese kennis van higiëne- en biosekuriteitspraktyke
• Rekordhouding en monitering van groei en ontwikkeling van jong diere
• Goeie waarnemingsvermoë en verantwoordelikheid

Sleutelverantwoordelikhede

• Volledige bestuur van die kalfversorgingseenheid
• Daaglikse voeding van kalwers volgens vasgestelde programme
• Monitering van gesondheid, groei en algemene welstand van kalwers
• Handhawing van hoë standaarde van netheid, higiëne en biosekuriteit
• Identifisering en rapportering van gesondheidsprobleme of abnormaliteite
• Bestuur van rekords rakende geboorte, voeding en groei
• Verseker dat kalwers gesond en sterk ontwikkel tot vervangingsverse
• Samewerking met bestuur en kuddebestuurspan

Persoonlike Eienskappe

Die ideale kandidaat:

• Het ’n liefde vir diere en ’n passie vir melkbeesproduksie
• Is verantwoordelik, noukeurig en betroubaar
• Werk goed selfstandig en binne ’n span
• Het ’n positiewe ingesteldheid en goeie dissipline
• Is bereid om prakties te werk en verantwoordelikheid te neem

’n Mededingende vergoedingspakket word aangebied volgens ervaring.

Diensaanvaarding: So gou as moontlik

Aansoeke sluit: 19 Maart 2026

Aansoeke word slegs deur die skakel hier aanvaar:👉 [aansoekvorm]