Leerlingboer

Is jy ’n jong leergierige persoon wat ernstig is oor ’n toekoms in boerdery, maar nog die regte plek soek om prakties te leer, onder goeie mentorskap te groei en jouself stap vir stap te bewys?

’n Gevestigde gemengde boerdery in die Ventersdorp-distrik is op soek na ’n betroubare, praktiese en leergierige Leerlingboer. Hierdie is nie net ’n gewone plaaswerkpos nie, maar ’n leergeleentheid vir iemand wat bereid is om van onder af te begin, instruksies te volg, hard te werk en oor tyd meer verantwoordelikheid te aanvaar.

Die omgewing

Die pos is op ’n praktiese gemengde boerdery waar die suksesvolle kandidaat blootstelling sal kry aan verskillende fasette van die plaas. Die werksdae sal prakties wees en kan algemene plaaswerk, vee, gewasse, instandhouding, water, heinings, toerusting en daaglikse plaasroetines insluit.

Hierdie is ’n goeie geleentheid vir iemand wat Landbou ernstig opneem en nie net werk soek nie, maar werklik wil leer hoe ’n plaas verantwoordelik en deeglik bestuur word.

Wie sal goed in hierdie rol pas?

Die ideale kandidaat is iemand met ’n goeie houding, sterk werksetiek en opregte belangstelling in boerdery. Jy hoef nie alles klaar te weet nie, maar jy moet bereid wees om te leer, reggehelp te word, verantwoordelikheid te neem en elke dag met trots op te daag.

Hierdie pos sal pas by iemand wat prakties is, fisies kan werk, nie bang is vir vroeë oggende of seisoensdruk nie, en wat verstaan dat ’n goeie boer oor tyd gevorm word deur blootstelling, dissipline en betroubaarheid.

Doel van die pos

Die suksesvolle kandidaat sal onder mentorskap saam met bestuur en senior personeel werk om praktiese plaasvaardighede aan te leer en die daaglikse bedrywighede van die boerdery te ondersteun.

Namate die kandidaat groei in vaardigheid, vertroue en oordeel, kan meer verantwoordelikheid toegeken word.

Kernverantwoordelikhede

• Ondersteuning met daaglikse algemene plaaswerk.
• Blootstelling aan vee-, gewas- en gemengde boerderybedrywighede.
• Hulp met waterkontroles, heinings, kampe en algemene plaasnetheid.
• Basiese instandhouding en herstelwerk waar nodig.
• Kontrole en verantwoordelike hantering van voertuie, toerusting en plaasgereedskap.
• Uitvoering van instruksies volgens die plaas se roetines en standaarde.
• Bereidheid om nuwe take aan te leer en oor tyd meer verantwoordelikheid te aanvaar.
• Veilig en verantwoordelik optree in alle praktiese werksomstandighede.

Minimum vereistes

• Opregte belangstelling in Landbou en ’n langtermynloopbaan op die plaas.
• Vorige plaasblootstelling sal ’n sterk aanbeveling wees.
• Landboukwalifikasie of praktiese landbou-opleiding sal voordelig wees, maar is nie ’n absolute vereiste nie.
• Geldige bestuurslisensie is ’n vereiste.
• Moet prakties, fisies fiks en betroubaar wees

Persoonlike eienskappe

• Leergierig en nederig genoeg om goeie leiding te aanvaar.
• Betroubaar, stiptelik en eerlik.
• Prakties ingestel en bereid om hande vuil te maak.
• Goeie respek vir mense, diere, toerusting en plaasreëls.
• Rustig, verantwoordelik en bereid om oor tyd te groei.

Pakket en praktiese besonderhede

• Gratis behuising word voorsien.
• Vergoeding sal met geskikte kandidate bespreek word.
• Hierdie is ’n leerlingpos met praktiese mentorskap.
• Verdere voordele en praktiese reëlings sal tydens die proses bevestig word.

Diensaanvaarding: So gou as moontlik
Sluitingsdatum: 15 Julie 2026

Kandidate wat ernstig is oor ’n toekoms in Landbou, bereid is om te leer en hulself prakties op ’n plaas wil bewys, word genooi om aansoek te doen deur diè skakel 👉 [aansoek]