Pakstoorbestuurder

Ons gewaardeerde kliënt, ’n gevestigde onderneming in die varsproduk-/blommesektor naby City Deep in Gauteng, is op soek na ’n ervare, energieke en verantwoordelike Pakstoorbestuurder om volle verantwoordelikheid te neem vir die doeltreffende bestuur van die pakstoor.

Hierdie pos is ideaal vir ’n praktiese bestuurder met sterk organisatoriese vermoë, goeie personeelbestuur en deeglike kennis van pakstoorprosesse binne ’n vinnige, kwaliteitgedrewe omgewing.

Die ideale kandidaat beskik oor vorige ondervinding in ’n varsprodukte- of blompakstoor, en het ’n goeie begrip van die daaglikse operasionele vereistes, gehaltebeheer, voorraadvloei en spanbestuur binne so ’n fasiliteit.

Vereistes:

• Bewese vorige ondervinding in ’n varsprodukte- of blompakstoor
• Sterk administratiewe en organisatoriese vermoë
• Vermoë om personeel effektief te bestuur en te motiveer
• Goeie kennis van pak-, sorteer- en uitsetprosesse
• Gehaltegedrewe en detailgeoriënteerde werkbenadering
• Vermoë om onder druk te werk en streng spertye te haal
• Goeie kommunikasie- en probleemoplossingsvaardighede
• Rekenaargeletterdheid sal voordelig wees

Hoofverantwoordelikhede:

• Algehele bestuur van die pakstoor se daaglikse bedrywighede
• Beplanning en koördinering van pakstooraktiwiteite
• Toesig oor personeel, produktiwiteit en werkvloei
• Handhawing van gehalte- en higiënestandaarde
• Monitering van ontvangs, verpakking, berging en uitsette
• Verseker dat kliënt- en markvereistes nagekom word
• Voorraadbeheer en akkurate rekordhouding
• Identifisering en aanspreek van operasionele probleme
• Samewerking met bestuur om doeltreffendheid en standaarde te verbeter

Diensaanvaarding: So gou as moontlik

Aansoeke sluit: 30 April 2026

Indien jy ’n ervare Pakstoorbestuurder is met toepaslike ondervinding in varsprodukte of blomme, en jy op soek is na ’n goeie geleentheid in Gauteng, sien ons uit na jou aansoek deur diè skakel 👉 [aansoek]