Plaas-/Finansiële Administrateur
Ons gewaardeerde kliënt, ’n gevestigde landbou-onderneming in die Edenville-distrik, bied ’n uitstekende geleentheid vir ’n akkurate, verantwoordelike en administratief sterk Plaas-/Finansiële Administrateur om ’n belangrike ondersteunende rol binne die boerdery te vervul.
Hierdie pos is ideaal vir ’n kandidaat wat gemaklik is met syfers, administrasie en finansiële prosesse, en wat waarde kan toevoeg deur netjiese rekordhouding, deeglike opvolg en praktiese administratiewe ondersteuning. Die suksesvolle kandidaat moet selfstandig kan werk, goeie menseverhoudings hê en gemaklik wees om binne ’n plaasomgewing met bestuur en plaaswerkers te skakel.
Die rol vereis ’n persoon wat nie net administrasie kan hanteer nie, maar wat akkuraat, betroubaar en sistematies werk, met die vermoë om struktuur, beheer en ondersteuning aan die daaglikse administratiewe funksionering van die boerdery te bied.
Minimum Vereistes:
- Toepaslike tersiêre kwalifikasie is ’n vereiste
- 3–5 jaar toepaslike ondervinding in ’n administratiewe of finansiële administratiewe rol
- Praktiese Pastel-ervaring
- Goeie basiese boekhoudkundige kennis
- Sterk Excel-vaardighede
- Ondervinding in voorraadbeheer sal voordelig wees
- Ondervinding met lone, werkersure en betaalstaatadministrasie
- Baie goeie akkuraatheid met syfers en administratiewe detail
- Goeie menseverhoudings en die vermoë om met plaaswerkers te skakel
- ’n Enkellopende kandidaat sal verkies word
- Plaasagtergrond of blootstelling aan landbou-administrasie sal tot voordeel wees
Sleutelverantwoordelikhede:
- Hantering van algemene plaasadministrasie
- Basiese boekhouding en finansiële administratiewe ondersteuning
- Pastel-verwerking en relevante administratiewe rekordhouding
- Dieselbeheer en verwante rekonsiliasies
- Voer- en voorraadbeheer
- Opvolg en verwerking van werkersure
- Hantering van lone en betaalstaat verwante administrasie
- Excel-verslae, kontroles en administratiewe skedules
- Ondersteuning aan bestuur met daaglikse administratiewe prosesse
- Verseker dat rekords akkuraat, volledig en op datum gehou word
Hierdie is ’n goeie geleentheid vir ’n betroubare, akkurate en administratief sterk persoon wat ’n praktiese rol binne ’n gevestigde landbou-omgewing wil vervul en werklik ’n verskil in die administrasie van die onderneming kan maak.
’n Mededingende salaris eie aan die bedryf, halwe 13de tjek, gratis behuising (eenslaapkamerkothuis) en 'n vleisvergunning twee keer 'n jaar word aangebied.
Diensaanvaarding: 1 Augustus 2026
Sluitingsdatum: 22 Junie 2025
Belangstellende kandidate wat aan die bogenoemde vereistes voldoen en hulself binne ’n praktiese boerdery-omgewing wil vestig, word uitgenooi om aansoek te doen deur die skakel: 👉 [aansoek]
