Plaasbestuurder-Egpaar

Is julle ’n praktiese egpaar wat saam in ’n afgeleë boerdery-omgewing wil vestig en werklik verantwoordelikheid wil neem? Hierdie geleentheid is ideaal vir ’n egpaar waar een persoon sterk is in algemene plaasbestuur, vee, wild, besproeiing, instandhouding en arbeidsbestuur, terwyl die tweede persoon graag betrokke raak by algemene administrasie, lodge-ondersteuning en gasvryheidsverwante take.

Hierdie is nie ’n kantoorpos of ’n ligte toesigrol nie. Dit is ’n praktiese, fisiese geleentheid vir ’n egpaar wat stabiliteit soek, verantwoordelikheid kan dra en waarde wil toevoeg binne ’n diverse plaas- en lodge-omgewing.

Boerdery- en Lodge-Omgewing

Die pos is geleë in die Buffelsdrif / Steenbokpan-omgewing naby Lephalale. Die onderneming bestaan uit twee plaas-eenhede in dieselfde area.

Die een eenheid fokus op wild, kommersiële beesboerdery en ’n nuut ontwikkelde lodge-omgewing wat mettertyd tydens jagseisoene professioneel ondersteun en bestuur sal moet word. Die ander eenheid fokus op besproeiingsproduksie met spilpunte, lusern, gewaspotensiaal, sterk waterbronne, pompe en plaasinfrastruktuur.

Wie Sal In Hierdie Rol Pas

Die ideale egpaar is betroubaar, gevestig, prakties en gemaklik met ’n afgeleë leef- en werksomgewing. Die plaasbestuurskant vra iemand wat selfstandig kan beplan, werkers kan bestuur, infrastruktuur kan onderhou en verantwoordelikheid neem vir vee, wild, besproeiing en daaglikse plaasaktiwiteite.

Die admin- en lodge-kant vra iemand wat netjies, georganiseerd, gasvry en administratief sterk is, met die vermoë om lodge-verwante take, basiese rekordhouding, voorbereiding, kommunikasie en algemene ondersteuning professioneel te hanteer.

Doel Van Die Rol

Die egpaar sal saam verantwoordelik wees om die plaas- en lodge-omgewing ordelik, prakties en doeltreffend te laat funksioneer. Die fokus is op goeie daaglikse bestuur, betroubare uitvoering, instandhouding, mensebestuur en die verdere vestiging van ’n professionele jag-/lodge-ervaring.

Sleutel Verantwoordelikhede

• Daaglikse bestuur van die wilds-, bees- en besproeiingsvertakkings
• Praktiese bestuur van kommersiële beeste, met Brahman-ervaring as voordeel
• Wildsplaasbestuur, heinings, paaie en infrastruktuuronderhoud
• Ondersteuning met jagseisoenvoorbereiding en lodge-verwante bedrywighede
• Algemene lodge-administrasie, voorbereiding, netheid en gasvryheidsondersteuning
• Basiese kantooradministrasie, rekordhouding, kommunikasie en opvolgwerk
• Bestuur van spilpunte, drupbesproeiing, pompnetwerke en waterinfrastruktuur
• Praktiese betrokkenheid by lusern, mielies en groentegewasse soos pampoengewasse en butternuts
• Algemene plaasinstandhouding, herstelwerk en probleemoplossing
• Arbeidsbestuur, goeie werksverhoudinge en opbou van ’n betroubare werkspan
• Bestuur van trekkers, toerusting, implemente en daaglikse plaasaktiwiteite
• Ondersteuning met plaasuitbreiding, verbeterings en projekbestuur waar nodig
• Beheer van indringerbos en algemene netheid van die plaasomgewing

Minimum Vereistes

• Egpaar sal voorkeur geniet weens die aard en rolverdeling van die pos
• 5-10 jaar toepaslike praktiese plaasbestuurservaring
• Sterk ervaring in gemengde boerdery
• Ervaring met beesboerdery en wildsplaasbestuur
• Goeie kennis van besproeiing, veral spilpunte en drupstelsels
• Praktiese kennis van pompe, pypnetwerke, elektriese en meganiese foutopsporing
• Ervaring met trekkers, implemente en algemene plaasinstandhouding
• Goeie arbeidsbestuursvermoë
• Administratiewe en lodge-/gasvryheidservaring sal ’n sterk voordeel wees
• PH-kwalifikasie is nie ’n vereiste nie, maar sal tot voordeel strek
• Kode 10-bestuurslisensie sal belangrik wees
• Bereidheid om in ’n afgeleë plaasomgewing naby Lephalale te vestig

Die ligging is afgeleë; indien daar skoolgaande kinders is, moet praktiese skool- en reisreëlings vooraf deeglik oorweeg word. Die rol sal verkieslik pas by ’n egpaar wie se kinders nie meer daagliks skool toe hoef te pendel nie, of waar ’n volhoubare reëling reeds in plek is.

Markverwante salaris eie aan die bedryf, prestasiebonus kan oorweeg word, gratis behuising (3 slaapkamers), gratis water, elektrisiteit en 'n voertuig vir werksdoeleindes word aangebied.

Die pos bied ’n goeie geleentheid vir ’n Egpaar wat stabiliteit, verantwoordelikheid en langtermynbetrokkenheid in ’n gemengde boerdery soek

Diensaanvaarding: So gou as moontlik

Aansoeke sluit: 16 Julie 2026

Indien jy julle 'n praktiese, gevestigde egpaar is wat werklik waarde in ’n diverse boerdery- en lodge-omgewing kan toevoeg, sien ons uit na jou aansoek deur diè skakel 👉 [aansoek]