Plaasbestuurder: Gemengde Boerdery

Ons kliënt, ’n gevestigde en vooruitstrewende gemengde boerdery in die Elliot-distrik in die Oos-Kaap, is op soek na ’n ervare en dinamiese Plaasbestuurder om ’n sleutelrol in die daaglikse bestuur en verdere ontwikkeling van die Boerdery te vervul.

Hierdie geleentheid is ideaal vir ’n kandidaat met ’n sterk praktiese agtergrond in gewasproduksie sowel as veeboerdery, wat ’n hoë vlak van eienaarskap neem en resultate kan lewer in ’n veeleisende maar lonende omgewing.

Hoofverantwoordelikhede

• Bestuur en optimalisering van gewasproduksie (droëland en besproeiing)
• Beplanning en implementering van volledige produksiesiklusse
• Toesig oor en bestuur van aartappelproduksie (voorkeur)
• Bestuur van beeskudde en voerkraalbedrywighede
• Personeelbestuur, toesig en ontwikkeling
• Instandhouding en bestuur van toerusting en infrastruktuur
• Begrotingsbeheer en kostebestuur
• Verseker dat produksieteikens en kwaliteitstandaarde bereik word

Minimum Vereistes

• 5 – 10 jaar relevante ondervinding in gemengde boerdery
• Sterk kennis van gewasproduksie (droëland en besproeiing)
• Praktiese ervaring met beeskuddebestuur en/of voerkraal
• Werkende kennis van aartappelproduksie sal ’n sterk voordeel wees
• Bewese bestuursvermoë en leierskap
• Vermoë om onafhanklik te werk en besluite te neem
• Goeie probleemoplossings- en beplanningsvermoë

Voorkeurprofiel

• Getroud en gevestig met die vermoë om op die Plaas te woon
• Praktiese bestuurder met ’n sterk werksetiek
• Iemand wat langtermyn stabiliteit en groei soek

Wat ons kliënt bied

• ’n Mededingende vergoedingspakket, volgens ervaring
• ’n Geleentheid om werklik ’n impak te maak binne ’n groeiende onderneming
• ’n Professionele werksomgewing met langtermyn potensiaal

Indien jy ’n toegewyde en ervare Plaasbestuurder is wat gereed is vir ’n nuwe uitdaging in die Oos-Kaap, sien ons uit na jou aansoek deur diè skakel 👉 [aansoek]

Aansoeke sluit: 16 April 2026

Diensnaanvaarding: So gou as moontlik