Plaasvoorman: Saaiboerdery

Ons gewaardeerde kliënt, ’n gevestigde gemengde boerdery met ’n sterk fokus op saaiboerdery in die Mareetsane-distrik in die Noordwes-provinsie, is opsoek na ’n praktiese, betroubare en tegnies bekwame kandidaat om saam met die bestuurspan betrokke te wees by die daaglikse uitvoering van produksie en seisoenale landbou-aktiwiteite.

Hierdie geleentheid is ideaal vir ’n kandidaat wat nie net ’n trekker of stroper kan bestuur nie, maar wat werklik verstaan hoe ’n moderne graanboerdery funksioneer en wat bereid is om saam met die eienaars en span hande vuil te maak om die werk gedoen te kry.

Die boerdery fokus hoofsaaklik op mielies, sojabone en sonneblom, en die suksesvolle kandidaat sal ’n belangrike rol speel in planttyd, oestyd, algemene instandhouding, asook ondersteuning binne die breër gemengde boerdery.

Minimum Vereistes:

• Minimum 5 jaar praktiese ondervinding in saaiboerdery
• Goeie werkende kennis van mielie-, sojaboon-, grondboontjies- en sonneblomproduksie
• Bewese ervaring met John Deere Hoogloopspuit
• Bewese ervaring met John Deere Stropers
• Praktiese kennis van planters en ondersteuning tydens planttyd
• Ondervinding met algemene instandhouding en herstel van toerusting
• Ondervinding met presisieboerdery / presisietoerusting
• Basiese tot goeie kennis van bees- en skaapboerdery
• Geldige bestuurslisensie - Kode 14 sal ’n voordeel wees
• Vermoë om Tswana te praat sal ’n sterk voordeel wees

Kernverantwoordelikhede:

• Stroper en Hoogloopspuit Operateurwerk gedurende planttyd
• Hulp met planters, plantvoorbereiding en die skoonmaak van lande
• Praktiese betrokkenheid by die uitvoering van die produksiesiklus
• Algemene instandhouding, herstel en voorbereiding van toerusting
• Identifisering van toerusting wat aandag benodig ná planttyd
• Verseker dat implemente en toerusting betyds reg en gereed is vir oestyd
• Ondersteuning met die daaglikse operasionele take tydens piektye
• Algemene betrokkenheid by die breër boerderybedrywighede waar nodig
• Samewerking met die eienaars en span om te verseker dat alle take doeltreffend en betyds afgehandel word

Die ideale kandidaat:

Ons soek ’n persoon wat prakties ingestel, tegnies sterk, betroubaar en spangeoriënteerd is. Hierdie is ’n rol vir iemand wat daarvan hou om self betrokke te wees, verantwoordelikheid te neem en saam met die boerdery te groei.

Die ideale kandidaat verstaan die realiteite van ’n produksie-omgewing, kan selfstandig werk, sien betyds raak wat aandag nodig het, en is bereid om in ’n seisoenale en dinamiese werksomgewing sy deel te doen.

Hierdie is ’n uitstekende geleentheid vir ’n kandidaat wat graag deel wil wees van ’n praktiese, werkende bestuurspan binne ’n gevestigde gemengde boerdery waar saaiboerdery die grootste vertakking vorm.

Vir Ouers met skoolgaande kinders is daar goeie Skole in die omgewing en betroubare Busvervoer Skole toe en terug elke dag

Diensaanvaarding: So gou as moontlik

Aansoeke sluit: 29 April 2026

Indien jy belangstel in ’n praktiese geleentheid binne ’n gevestigde kommersiële boerdery, sien ons uit na jou aansoek deur diè skakel 👉 [aansoek]