Semi-Geskoolde Dieselwerktuigkundige

Ons gewaardeerde kliënt, ’n gevestigde en vooruitstrewende boerdery in die Standerton-distrik, is op soek na ’n praktiese en betroubare Semi-Geskoolde Dieselwerktuigkundige met bewese ondervinding in ’n landbou-omgewing.

Hierdie pos is ideaal vir ’n handvaardige persoon wat die meganiese uitdagings van ’n werkende plaas verstaan en wat kan help om trekkers, implemente, voertuie en infrastruktuur in ’n betroubare en produktiewe toestand te hou.

Hoofverantwoordelikhede

• Die suksesvolle kandidaat sal betrokke wees by die instandhouding, herstel en diens van die plaas se toerusting en infrastruktuur, insluitend:
• Roetine diens en onderhoud van trekkers, plaasvoertuie en landboumasjinerie.
• Herstelwerk en instandhouding van landbou-implemente soos planters, kultivators, spuite, balers en sleepwaens.
• Opsporing en herstel van meganiese probleme en veld-“breakdowns” tydens kritieke werksperiodes.
• Voorkomende onderhoud om stilstand van toerusting tydens plant- en oestyd te beperk.
• Herstelwerk aan diesel enjins, hidrouliese stelsels en elektriese komponente op landboumasjinerie.
• Herstel en onderhoud van pompe, motors en besproeiingstoerusting waar van toepassing.
• Sweis-, sny- en vervaardigingswerk wanneer nodig.
• Instandhouding van plaasinfrastruktuur, insluitend hekke, waterstelsels, skure en ander meganiese installasies.
• Assisteer met onderdele-identifikasie en beheer van werkswinkelvoorraad.
• Handhawing van ’n netjiese, veilige en georganiseerde werkswinkel.
• Samewerking met plaasbestuur om te verseker dat toerusting operasioneel beskikbaar is tydens piektye.

Minimum Vereistes

• Minimum 5 jaar praktiese ondervinding as ’n dieselwerktuigkundige binne ’n landbou- of plaasomgewing.
• Semi-Geskoolde Dieselwerktuigkundige

Persoonlike Eienskappe

• Die ideale kandidaat beskik oor:
• ’n Praktiese en oplossingsgerigte ingesteldheid.
• Betroubaarheid en verantwoordelikheidsin.
• Trots in die netheid en funksionaliteit van masjinerie en toerusting.
• Die vermoë om onder druk en binne ’n dinamiese landbou-omgewing te funksioneer.
• Sterk aandag aan detail en voorkomende onderhoud.

Hierdie pos bied ’n uitstekende leefstylgeleentheid vir ’n dieselwerktuigkundige wat graag nader aan die landbou wil werk en ’n belangrike rol in ’n produktiewe boerdery wil speel as deel wees van ’n span wat direk bydra tot voedselproduksie in ’n omgewing waar vaardighede werklik waarde toevoeg.

’n Mededingende vergoedingspakket sal aangebied word volgens ondervinding en vaardighede.

Diensaanvaarding: So gou as moontlik

Aansoeke sluit: 19 Maart 2025

Aansoeke word slegs deur die skakel hier aanvaar:👉 [aansoekvorm]