Senior Plaasbestuurder: Aartappelproduksie

Is jy ’n ervare plaasbestuurder wat aartappels regtig verstaan, van grondvoorbereiding en planttyd tot besproeiing, siektebeheer, oesbeplanning en kwaliteit? Iemand wat nie net opdragte uitvoer nie, maar vooruit dink, produksierisiko’s vroeg raaksien en verantwoordelikheid neem vir die volle siklus?

’n Gevestigde en dinamiese Boerdery met 'n Plaas in die Tonteldoos-distrik bied ’n geleentheid vir ’n senior Plaasbestuurder met meer as 10 jaar praktiese ondervinding in aartappelproduksie. Hierdie pos is ideaal vir iemand wat sterk is in produksiebeplanning, mensebestuur, infrastruktuur, plaasontwikkeling en daaglikse uitvoering onder druk.

Die rol is geleë binne ’n praktiese, produksiegedrewe boerdery-omgewing waar aartappels ’n kernfokus vorm. Die suksesvolle kandidaat sal betrokke wees by die volledige produksieproses, asook by aanvanklike en verdere ontwikkeling en verbetering van die plaas se produksievermoë.

Hierdie is ’n pos vir iemand wat gemaklik is op die lande, in die kantoor, saam met personeel en tussen toerusting. Die regte persoon moet die detail van aartappelproduksie verstaan, maar ook die groter prentjie van grondbenutting, water, infrastruktuur, koste, tydsberekening en langtermynvolhoubaarheid kan bestuur.

Die ideale kandidaat is ’n praktiese, senior landbouer met ’n sterk eienaarskapmentaliteit. Iemand wat kalm kan bly onder druk, wat dissipline in ’n span kan vestig en wat produksiebesluite op ervaring, waarneming en goeie beplanning baseer.

Hierdie rol sal pas by iemand wat trots is op netjiese uitvoering, regte tydsberekening en ’n span wat weet wat van hulle verwag word.

Die Plaasbestuurder sal verantwoordelik wees vir die effektiewe bestuur van aartappelproduksie en verwante plaasbedrywighede, met spesifieke fokus op produksiebeplanning, daaglikse uitvoering, personeelbestuur, toerusting, infrastruktuur en praktiese plaasontwikkeling.

Sleutelverantwoordelikhede

• Bestuur van die volle aartappelproduksiesiklus vanaf voorbereiding tot oes.
• Beplanning en koördinering van grondvoorbereiding, plant, besproeiing, bemesting en spuitprogramme.
• Monitering van gewasgesondheid, groei, opbrengspotensiaal en produksierisiko’s.
• Praktiese bestuur van oesbeplanning, kwaliteit en tydige uitvoering.
• Betrokkenheid by plaasontwikkeling, nuwe lande, infrastruktuurverbetering en produksievermoë.
• Bestuur van personeel, take, dissipline, werkstandaarde en daaglikse produktiwiteit.
• Toesig oor toerusting, implemente, instandhouding en algemene plaasbedrywighede.
• Samewerking met eienaarskap/bestuur oor produksiedoelwitte, beplanning en verslagdoening.
• Bevordering van netheid, veiligheid, verantwoordelikheid en goeie werksdissipline op die plaas.

Minimum Vereistes

• Minimum 10 jaar toepaslike ondervinding in aartappelproduksie.
• Bewese kennis van die volle aartappelproduksiesiklus.
• Praktiese ervaring in plaasbestuur en daaglikse produksiebestuur.
• Werkende kennis van plaasontwikkeling, infrastruktuurbeplanning of uitbreiding van produksie-eenhede.
• Sterk begrip van grondvoorbereiding, besproeiing, bemesting, spuitprogramme en oesbestuur.
• Goeie mensebestuursvaardighede en die vermoë om ’n plaasspan prakties te lei.

Persoonlike Eienskappe

• Prakties, verantwoordelik en betroubaar.
• Sterk eienaarskapmentaliteit.
• Goeie waarnemingsvermoë en probleemoplossing.
• Dissipline met mense, tyd en produksieprosesse.
• Kalm onder druk en sterk gefokus op resultate.
• Netjies, georganiseerd en trots op kwaliteit werk.

Markverwante salaris eie aan die bedryf, onderhandelbare prestasiebonus, gratis behuising, gratis water, elektrisiteit en 'n voertuig vir werksdoeleindes word aangebied.

Die pos bied ’n goeie geleentheid vir ’n kandidaat wat stabiliteit, verantwoordelikheid en langtermynbetrokkenheid in ’n boerdery soek

Diensaanvaarding: So gou as moontlik

Aansoeke sluit: 20 Julie 2026

Indien jy 'n praktiese, ervare, praktiese bestuurder is wat werklik waarde in ’n intensiewe aartappelproduksie-omgewing kan voeg, sien ons uit na jou aansoek deur diè skakel 👉 [aansoek]