Veebestuurder

Ons kliënt, ‘n dinamiese Gemengde Boerdery in die Potchefstroom distrik in die Noordwes Provinsie, is opsoek na 'n ervare, energieke en pro-aktiewe Bestuurder om die Boerdery se Bees-, Bok- en Skaapkudde winsgewend, volhoubaar, koste effektief en optimaal te bestuur.

Die ideale kandidaat het ‘n Landboukwalifikasie (aanbeveel), 'n Kode 14 (EC) bestuurslisensie (aanbeveel) met meer as 5 jaar ondervinding in alle aspekte van die effektiewe en suksesvolle bestuur van ‘n Bees-, Bok en Skaapkudde op hoëdrukbeweiding onder besproeiing.

Bogenoemde vaardighede, gekoppel met jou eienaarskapmentaliteit, goeie kommunikasie-, interpersoonlike- en bo-gemiddelde organisasievermoë, sien ons uit na jou aansoek.

Pligte:

• Bestuur die implementering van strategie
• Bestuur die daaglikse operasionele bedrywighede
• Algehele Kuddebestuur
  • Dieregesondheid
  • Weidingsbestuur
  • Reproduksiebestuur
  • Monitor getalle
• Besproeiingsbestuur
• Dag tot dag beplanning en uitvoer van take
• Konstant verseker dat standaarde aan voldoen word
• Handel take doeltreffend en netjies af
• Effektiewe arbeidsbenutting en lei deur voorbeeld
• Algemene instandhouding
• Akkurate rekordhouding en administrasie
• Ander pligte soos bepaal deur bestuur van tyd tot tyd

Diensaanvaarding: So gou as moontlik

Sluitingsdatum: 18 September 2025

Markverwante salaris eie aan die bedryf, onderhandelde prestasiebonus, gratis behuising en ‘n voertuig vir werksdoeleindes word aangebied.

Aansoeke word slegs deur die skakel(link) aanvaar